აღდგომა: ნამდვილი ამბავი თუ ოსტატური გამონაგონი?

იმისთვის, რომ ვუპასუხოთ კითხვას, - ნამდვილია ამბავია აღდგომა თუ ოსტატური გამონაგონი, - აღდგომის არსი უნდა გავიგოთ. ეს არის დღე, როდესაც ქრისტიანები იესოს მკვდრეთით აღდგომას იხსენებენ. დიახ, სწორად წაიკითხეთ: მკვდრეთით აღდგომას. იესო მოკვდა, შემდეგ კი კვლავ სიცოცხლეს დაუბრუნდა.

აღდგომა იესოს ისტორიაა. 2000 წლის წინ ის ისრაელში დადიოდა, იგავებით ასწავლიდა, სასწაულებს ახდენდა და ქვეყნის რელიგიურ ლიდერებს უპირისპირდებოდა. ფესახამდე ერთი კვირით ადრე იესო იერუსალიმში შევიდა და ხალხი მას ისე მიეგება, როგორც მეფეებს ეგებებიან. ტაძარში ის მორჩილებას, სიყვარულს, მიტევებას და სამარტლიანობას ქადაგებდა.  ბევრ ადამიანს ის ნამდვილ გმირად მიაჩნდა, მასში ნაწინასწარმეტყველებ და ნანატრ მხსნელს (მესიას) ხედავდნენ, რომელიც ისრაელს რომაელთა ბატონობისგან გაათავისუფლებდა.

ებრაელი მმართველები კი მასში საფრთხეს ხედავდნენ. იესო მისმა მეგობარმა, იუდამ გასცა. ის ხუთშაბათ დღეს შეიპყრეს, აწამეს და სიკვდილი მიუსაჯეს. პარასკევს იესო ჯვარზე მოკვდა. მეგობრებმა დამარხეს და შაბათ დღეს დაიტირეს. მაგრამ კვირას... მისი საფლავი ცარიელი აღმოჩნდა. ამ მოვლენამ მსოფლიო შეცვალა. იესო კვლავ ცოცხალია. ასობით ადამიანი მისი სიკვდილის მოწმე იყო, შემდეგ კი ბევრი მათგანი აცხადებდა, რომ შემდგომ დღეებში საკუთარი თვალით იხილეს ცოცხალი იესო. მათი მოწმობები ბიბლიაში ჩაიწერა. და დღეს 2,3 მილიარდ ადამიანს მსოფლიოს ყველა კუთხეში სწამს, რომ იესო ცოცხალია.

ნამდვილი ამბავი თუ ოსტატური გამონაგონი? იესოს მოწაფეებს არასდროს შეუტანიათ ეჭვი მის აღდგომაში. ისინი ქვეყნიდან ქვეყანაში  დადიოდნენ და კეთილ ცნობას აუწყებდნენ: აზიაში, ისეთ ქვეყნებში, როგორიცაა სპარსეთი, ეთიოპია, ინდოეთი და ევროპაში, მაგალითად, საბერძნეთში და თანამედროვე იტალიის ტერიტორიაზე. თითქმის ყველა მოწაფე მოწამეობრივად აღესრულა იესოს მკვდრეთით აღდგომის ქადაგების გამო.  იგივე მიზეზით სხვა მრავალ მორწმუნეს მიესაჯა სიკვდილი. ძალაუფლების მპყრობელები ამ უწყების ჩანასახშივე მოსპობას ცდილობდნენ.

თუმცა არაფერი გამოუვიდათ. დღეს 2,3 მილიარდ ადამიანს სწამს აღდგომის ჭეშმარიტება. მათ ირწმუნეს ასობით თვითმხილველის მოწმობა. მაგრამ უფრო მნიშვნელოვანი ალბათ მათი საკუთარი გამოცდილებაა: იესო ცოცხალია! უდიდესი საიდუმლო: იესო მოკვდა და მკვდრეთით აღდგა.  რა მოხდა ამის შემდეგ?

რა თქმა უნდა, იესო მიწაზე აღარ დააბიჯებს. ქრისტიანებს სწამთ, რომ ის მამა ღმერთთან, ზეცაში დაბრუნდა. მაგრამ მორწმუნეები მასთან ძლიერ კავშირს მოწმობენ. ისინი ესაუბრებიან და ლოცვაში მოიხმობენ იესოს. ბევრი მათგანი ყვება, რომ ქრისტიანებად მოქცევამდე იესო იხილეს. სიყვარულის შესახებ იესოს სიტყვებით შთაგონებულები ისინი ქვეყნიერების გაუმჯობესებას ცდილობენ.

ბევრ ეკლესიაში აღდგომის წინა ღამეს წირვა აღევლინება. სადღესასწაულო სუფრას ბევრ ქვეყანაში ნაირფრად შეღებილი კვერცხი და სააღდგომო ნამცხვარია ამშვენებს, ზოგან კი შოკოლადის სიუხვე და ე. წ. სააღდგომო კურდღელი.  ეს ყველაფერი ძალიან გემრიელია, თუმცა სათავეს სხვა ტრადიციებში იღებს და აღდგომის დღესასწაულის ატრიბუტებად მოგვიანებით იქცა. ამა თუ იმ ატრიბუტის წარმოშობა ზოგჯერ სირთულეს წარმოადგენს. მაგალითად კვერცხი ბევრ კულტურაში აღორძინების სიმბოლოა. საუკუნეთა მანძილზე ქრისტიანობა არაქრისტიანულ საგაზაფხულო დღესასწაულთა  ტრადიციებს, ითავისებდა, რათა ადამიანებისთვის აღდგომის ამბავი გაეზიარებინა.  გავიხსენოთ თუნდაც ჭიაკოკონობა და ბზობა.

დასავლური ტრადიციის ამ სააღდგომო ატრიბუტის შესახებ ძველი ლეგენდა მოგვითხრობს.  ერთ დღეს პატარა გოგონამ დაჭრილი ჩიტი იპოვა. გოგონამ ქალღმერთ ეოსტრას ჩიტის გამოჯანმრთელება სთხოვა. ქალღმერთმა დაინახა, რომ ჩიტი ფრენას ვეღარ შეძლებდა, კურდღლად გადააქცია და გოგონას დაჰპირდა, რომ ის კურდღელს წელიწადში ერთხელ, თავად ქალღმერთის თაყვანისცემის დღეს ნახავდა და რომ კურდღელი ნაირფერ კვერცხებს დადებდა.  ეს ამბავი თაობიდან თაობას გადაეცემოდა, ჯერ ნაყოფიერების დღესასწაულების, შემდეგ კი აღდგომის ნაწილი  გახდა.