გახდი უფლის მშვიდობის იარაღი

ამ ურთულეს დროს რწმენის განმტკიცებასა და ლოცვის გაძლიერებისკენ მოგიწოდებთ. გთავაზობთ წმინდა ფრანცისკე ასიზელის უმშვენიერეს ლოცვას, რომელიც ყველა აღმსარებლობის ქრისტიანებმა შეიყვარეს: 

„უფალო, გამხადე შენი მშვიდობის იარაღად, 

სადაც სიძულვილია, დამათესვინე სიყვარული;

სადაც დანაშაულია – მიტევება;

სადაც ეჭვია – რწმენა;

სადაც უსასოობაა – სასოება;

სადაც ბნელია – ნათელი;

სადაც მწუხარებაა – სიხარული.

უფალო ზეციერო, ძალა მომეცი, 

არ ვეძიო ნუგეში, არამედ ვანუგეშო;

არ ვეძიო გაგება, არამედ გავუგო;

არ ვეძიო სიყვარული, არამედ მიყვარდეს;

რადგან გაცემისას ვიღებთ;

რადგან მიტევებისას მოგვეტევება;

ვკვდებით, რათა მარადიული ცხოვრებისთვის ვიშვათ”.

დაე, დღეს უფალმა თავისი მშვიდობის იარაღად გაქციოს.