ბიბლია ორ ნაწილად იყოფა. პირველი ნაწილი, - ძველი აღთქმა, - 39 წიგნისგან შედგება, მეორე, - ახალი აღთქმა, - 27 წიგნს შეიცავს.  რომის კათოლიკე ეკლესიის გამოცემებში ძველ აღთქმაში კიდევ 7 ე. წ. მეორეკანონიური წიგნია შეტანილი.

ძველი აღთქმა სამყაროსა და ადამიანის შექმნის ამბით იწყება. პირველი ხუთი წიგნი იმის შესახებ ოგვითხრობს, თუ როგორ აღმოჩნდა ებრაელი ერი ეგვიპტის ტყვეობაში, როგორ იხსნა ის ღმერთმა და ისრაელის მიწაზე მოიყვანა.  ამ მოგზაურობის მანძილზე ურთიერთობა ღმერთსა და რჩეულ ერს შორის არაერთხელ გამწვავებულა.

ძველი აღთქმა ღვთის სხვადასხვა თვისებებს გვიცხადებს, როგორიცაა სიყვარული და მიტევება. თუმცა მას მკაცრი დასჯაც შეუძლია. თუმცა მთავარი ისაა, რომ ღმერთი მუდამ ხალხის ერთგული რჩება. ძველ აღთქმაში მრავლადაა წინასწარმეტყველებები მომავალი მხსნელის, მესიას მოვლინების შესახებ. ის მოვა და ერთხელ და სამუდამოდ აღადგენს კავშირს ღმერთსა და კაცობრიობას შორის.

ახალი აღთქმა იესოს შესახებ მოგვითხრობს. ძველი აღთქმის ყველა წინასწარმეტყველება იესოშ აღსრულდა. მისმა მოვლინებამ ქვეყნიერება შეცვალა. ღმერთი მაცხოვარია, რომელმაც აღადგინა კავშირი ღმერტსა და ადამიანს შორის.

პირველი ოთხი წიგნის, სახარებები, იესოს მიწიერ ცხოვრებას აღწერს. თვითმხილველები მოგვითხრობენ მისი შობის, მისიის, ვნებისა და სიკვდილის შესახებ. თუმცა თხრობა მისი სიკვდილით არ სრულდება, რადგან იესო მკვდრეთით აღდგა. და ამ სასწაულმა სამუდამოდ შეცვალა ქვეყნიერება.

ახალი აღთქმა ასევე იესოს მოწაფეთა წერილებს და მოწმობებს შეიცავს. მათში იპოვით ცხოვრებისეულ გაკვეთილებს, რწმენაში განმტკიცების რჩევებს, გაფრთხილებებს და წინასწარმეტყველებებს.

თუკი ბიბლიას სრულად წაიკითხავთ, მთავარს აღმოაჩენთ:  ღმერთს ადამიანები უყვარს. მან სიყვარულის გამო შეგვქმნა და უპირობოდ ვუყვარვართ. მაგრამ ბიბლია მოგვითხრობს, რომ ადამიანები ხშირად ღმერთს შორდებოოდნენ და საკუთარი გზით სვლას ირჩევდნენ. ღმერტი კი მათ არ ტოვებდა, იმედით ელოდა მათ მოქცევას და ასეთ დროსაც მუდამ იყვნენ ადამიანები, რომლებიც ღვთის ერთგულნი რჩებოდნენ. ძველი აღტქმის წინასწარმეტყველებათა თანახმად, ღმერთი მოავლენდა მხსნელს, რომელიც ადამიანებს ამა სოფლის ბოროტებისგან იხსნიდა.

ქრისტიანებს სწამთ, რომ იესოს მოვლინებით ღმერთმა თავისი სიყვარული ცხადყო. იესო მხსნელია, რომელსაც ადამიანები ასე დიდხანს ელოდნენ.

თავისი სიტყვითა და საქმი იესომ გვაჩვენა, როგორ ვიზრუნოთ ერთმანეთისთვის. იგი აცხადებდა, რომ ღვთის ძეა და ეს გზავნილი სიცოცხლის ფასად დაუჯდა. იესოს მოწაფეებმა აღწერეს, როგორ შეხვდნენ კვდრეთით აღმდგარ იესოს. ახალი აღთქმის პირველ ოთხ წიგნს სახარებები ეწოდება. სახარება სიტყვა-სიტყვით კეთილ უწყებას ნიშნავს.   ქრისტიანებს სწამთ, რომ იმედი მუდამ არსებობს და ღვთის სიყვარული კეთილი უწყებაა ყოველი ადამიანისთვის.

ქრისტიანი მორწმუნეებისთვის ბიბლია უმთავრესი წიგნია, წმიდა წერილია, რომლის ავტორების მას ღვთის შთაგონებით წერდნენ. ბევრ ქრისტიანს რამდენიმე ბიბლია აქვს. მორწმუნეები ერთმანეთს ბიბლიის კითხვისკენ მოუწოდებენ. საეკლესიო მსახურებისას იკითხება, შემდეგ კი განიმარტება საგანგებო ბიბლიური საკითხავი.

საუკუნეთა მანძილზე ბიბლია მნიშვნელოვან როლს ასრულებდა საზოგადოების ცხოვრებაშიც. მის გავლენას სხვადასხვა ქვეყნების კანონმდებლობაში, ხელოვნებაში, ფილოსოფიასა და ენაში ვხედავთ. ევროპაში ეს გავლენა თანდათან განელდა, აზიის, აფრიკისა და ლათინური ამერიკის ქვეყნებში კი პირიქით - უფრო და უფრო მატულობს.

როდესაც ბიბლიას ეცნობი, თავიდან რთულ წიგნად გეჩვენება. ეს ჩვეულებრივი წიგნი როდია. ბევრ ადამიანს დაუწყია მისი კითხვა და მალევე შეუწყვეტია, რადგან კონტექსტი არ იცოდნენ. ბიბლია მთელი ბიბლიოთეკაა. მის ყოველ წიგნს თავისი მიზანი და ფორმა აქვს. ზოგი წიგნი ისტორიულია, ზოგი პოეტური,  ზოგიც ეპისტოლარული ჟანრისაა. ამიტომ ბიბლიას ნაბიჯ-ნაბიჯ უნდა გავეცნოთ. წაიკითხეთ მოკლე მონაკვეთი და გაიაზრეთ.